goEast კინოფესტივალზე, რომელიც 19-25 აპრილს 22-ედ გაიმართა, გამარჯვებული ფილმები გამოვლინდა.
ოქროს შროშანი საუკეთესო მხატვრული ფილმისთვის:
ვერა ოცნებობს ზღვაზე (კოსოვო/ალბანეთი/ჩრდილოეთ მაკედონია 2021), რეჟისორი კატრინა კსარნიკი.
საერთაშორისო ჟიურიმ, იასნა ჯურიჩიჩის თავმჯდომარეობით, გადაწვეტილება ამგვარად განმარტა: „ჯილდო საუკეთესო ფილმისთვის გადაეცემა ფილმს ქალის ბრძოლის შესახებ, პრიმიტიული მამრობითი სამყაროსა და დეგრადირებული მასკულინობის წინააღმდეგ, რომელსაც სამწუხაროდ ჯერ კიდევ აქვს ძალა.”
საუკეთესო რეჟისორის ჯილდო:
ნაზი (უნგრეთი/გერმანია, 2022), რეჟისორები: ანა ნემესი, ლაზლო ცუჟა
საუკეთესო დოკუმენტური ფილმი:
ძვლის გროვა (უკრაინა, 2022), რეჟისორი: ტარას ტომენკო
დოკუმენტური ფილმი უკრაინა-რუსეთის ფრონტის ხაზზეა გადაღებული და აქცეტს 14 წლის გოგონაზე აკეთებს, რომელიც ყოველდღიური ცხოვრებაც ომის საშინელებითაა სავსე. ჟიურის განცხადებით, ფილმი არის „ხარკი ჩვენი სამყაროს ნანგრევებში მცხოვრები ახალგაზრდებისთვის“.
განსაკუთრებული აღნიშვნა:
სადამდეც შევძლებ სიარულს (სერბეთი/ლუქსემბურგი/საფრანგეთი/ბულგარეთი/ლიტვა, 2021), რეჟისორი: სტეფან არსენიევიჩი
კინოკრიტიკოსთა საერთაშორისო ფედერაციის (Fipresci) ჯილდო:
მხატვრული ფილმის კატეგორია:
მომლოცველები (ლიეტუვა, 2021), რეჟისორი: ლორინას ბარიეშა
დოკუმენტური ფილმის კატეგორია:
ძვლის გროვა (უკრაინა, 2022), რეჟისორი: ტარას ტომენკო
საკონკურსო პროგრამის გარდა, ფესტივალმა უმასპინძლა საერთაშორისოდ ცნობილ კინემატოგრაფისტებს, მათ შორის პაველ ლოზინსკის. შედგა რეტროსპექტივა ქართველი რეჟისორის, ლანა ღოღობერიძის, რომელიც წლევანდელი ფესტივალის საპატიო სტუმარი იყო. ასევე გაიმართა goEast სიმპოზიუმი – “რომელი გზით აღმოსავლეთისაკენ? გოდარი, კინო და იდეოლოგია ცენტრალურ და აღმოსავლეთ ევროპაში”, რომელიც ეძღვნებოდა ჟან-ლუკ გოდარის შემოქმედებას და მის ურთიერთობას ცენტრალურ და აღმოსავლეთ ევროპასთან.
სრული ინფორმაცია დაჯილდოებასა და გამარჯვებულ ფილმებზე:
https://www.filmfestival-goeast.de/en/goeast-2022-the-winners/