კინემატოგრაფიული პლატფორმა „სინექსპრესი“ საქართველოს ეროვნული კინოცენტრის ფინანსური მხარდაჭერით, ამზადებს ელექტრონულ ჟურნალს, რომელიც იანვარში უსასყიდლოდ იქნება ხელმისაწვდომი ფართო აუდიტორიისთვის.
ჟურნალზე „სინექსპრესის“ ავტორებთან ერთად, მოწვეული ავტორები – სხვადასხვა დარგის სპეციალისტები – მუშაობენ.
პირველი ნომრის საორიენტაციო თემაა – ქალაქი (როგორც სივრცითი ფენომენი) და მისი კავშირი კინოსთან.
ამას გარდა, მკითხველს საშუალება ექნება გაეცნოს სხვადასხვა მნიშვნელოვან თეორიულ ნაშრომსა თუ თარგმანს, ინტერვიუებს ისეთ მნიშვნელოვან თანამედროვე რეჟისორებთან, როგორიც, მაგალითად, შონ ბეიკერია.
