გაეცანით CinExpress-ის პირველ ელექტრონულ ჟურნალს, რომელიც საქართველოს ეროვნული კინოცენტრის ფინანსური მხარდაჭერით შეიქმნა. ჟურნალისათვის CinExpress-ის ავტორებთან ერთად სხვა დისციპლინებიდან მოწვეულმა ავტორებმაც იმუშავეს.
ჟურნალის საორიენტაციო თემაა ქალაქი როგორც სივრცითი ფენომენი და მისი მიმართება კინემატოგრაფთან.
ჟურნალში გამოქვეყნებული თეორიული ტექსტების თარგმანები ისეთი ავტორებისა, როგორებიც ბელა ბალაში, ლორა მალვი, ვირჯინია ვულფი, თომას ელზასერი, მალტე ჰაგენერი და ოქსანა ბულგაკოვა არიან, ერთი მხრივ, დაეხმარება მკითხველს უკეთ გაიგოს ის ისტორიული კინემატოგრაფიული კონტექსტი, რომელიც ამ ავტორების თვალთახედვამ ჩამოაყალიბა, მეორე მხრივ კი, კინოს როგორც სამეცნიერო დარგის გააზრების პროცესს შეუწყობს ხელს.
ესეები, რომლებზეც CinExpress-ის ავტორების გარდა, მოწვეულმა ავტორებმაც იმუშავეს, ქალაქისადმი კინოს მიმართებას თუ სხვა თემებზე რეფლექსიას ინტერდისციპლინურ ჭრილში წარმოგვიდგენს.
ინტერვიუები ისეთ მნიშვნელოვან ავტორებთან, როგორებიც რუდოლფ ტომე და შონ ბეიკერი არიან, კინემატოგრაფთან მიმართებით მათ პერსპექტივასა და ნააზრევს გაგაცნობთ.
