თარგმანი: გიორგი ჯავახიშვილი
ენრიკა (ფიკო) ანტონიონი[i] მიქელანჯელო ანტონიონის შესახებ
***
ჩვენ ბევრი ვიმოგზაურეთ, მიქელანჯელომ და მე. ეს მოგზაურობები ყოველთვის გვკურნავდა.
ჩვენივე თავისგან გაუცხოება, უცნობ ადგილებში ცხოვრება, ისე გვაშორებდა საკუთარი თავებისგან, რომ შემდეგ უკან, სახლში დაბრუნება, და ამ დაცლილი, თუმცა გამოცდილებებით აღსავსე საკუთარი თავის პოვნა, ყოველთვის კომფორტული იყო.
ყოველთვის შორეულ ადგილებში ვმოგზაურობდით. დღეს, ეს ყველაფერი სახლთან ახლოს თუღა ხდება.
ყოველ ჯერზე, როდესაც წმინდა პეტრეს ტაძარში, იულიუს მეორეს[ii] საფლავის მოსანახულებლად მიქელანჯელოსთან ერთად მივდივარ, ეს კიდევ ერთი მოგზაურობაა. ვხედავ ხოლმე მიქელანჯელოს, სრულიად იზოლირებულს მოსეს ფიგურის წინ, ისევე, როგორც აფრიკის უდაბნოში[iii].
ყოველთვის ვგრძნობდი, რომ განსაკუთრებულად დასაჩუქრებული იყო, ყოველგვარი ფილტრაციის გარეშე ემზირა საკუთარი მწვანე, სუფთა და მშვენიერი თვალებით.
მიქელანჯელოს მზერა მშვიდადაა მიმართული მოსეს ფიგურისაკენ და შეუძლია მოიცავდეს მთელ იმ მეხსიერების სიმძიმეს, რომელიც მან (მოსემ) საკუთარ სიცოცხლეში ნახა და ისწავლა.
მზერა შეიძლება იყოს ისეთივე ინტენსიური, როგორიც ლოცვაა მისთვის.
უფრო მეტიც, ახლა, როდესაც მისი ნაბიჯები და ჟესტები სიჩუმემ მოიცვა, მის გვერდით დგომა, როდესაც ის ღრმადაა გატაცებული მზერით, მოითხოვს აბსოლუტურ სიჩუმეს, პატივისცემას მისი (მოსეს) პილგრიმობისადმი.
პირველად ერთად ჩინეთში ვიმოგზაურეთ, 1972 წელს, მისი დოკუმენტური ფილმის, ჩინეთის გადაღებებზე. როდესაც სახლში დავბრუნდით და გადაღებულ მასალას დავაკვირდი, მივხვდი, რომ თითქმის ყველაფერი გამოვტოვე, რაც მიქელანჯელომ დაინახა. მე ვერ შევნიშნე ის ფერები, ლურჯი ფერის ჩრდილები მაოისტურ უნიფორმებში, ახალგაზრდა გოგონების მორცხვი ღიმილი, მტვრით გაჟღენთილი სინათლე. კიდევ ერთხელ ვიმოგზაურე, როდესაც ამ კადრებს ვუყურებდი.
ახლა, მე კიდევ ერთხელ გამიმართლა, ვიდგე მის გვერდით, სანამ ამზადებს ფილმს წმინდა პეტრეს ტაძარზე. უჩუმრად ველოდები მისი მზერისგან ბოძებულ ძღვენს.
წყარო: http://www.rouge.com.au/4/antonioni.html
[i] იტალიელი რეჟისორი და მსახიობი, მიქელანჯელო ანტონიონის მეუღლე.
[ii] რომის პაპი 1443 წლიდან 1513 წლამდე.
[iii] ანტონიონის ფილმის, პროფესია: რეპორტიორი გადაღებები აფრიკის უდაბნოში მიმდინარეობდა.
