უმნიშვნელოვანესი თანამედროვე ავტორის, ლიეტუველი კინორეჟისორის, შარუნას ბარტასის საპროდიუსერო სტუდია Studija “Kinema” და CinExpress პირველ ერთობლივ საგანმანათლებლო პროექტს – „კინოს საფუძვლები (ჯგუფური მასტერკლასი)“ – განახორციელებს.
შარუნას ბარტასი თანამედროვე კინემატოგრაფის ერთ-ერთი არაკონვენციური და თვითმყოფადი სტილის მქონე ავტორია, რომელმაც შემოქმედება სრულმეტრაჟიანი ფილმით სამი დღე (1991) დაიწყო და საერთაშორისო აღიარება მოიპოვა. ბარტასის გვიანდელმა ნამუშევრებმა რამდენიმე ჩვენგანი (1996), სახლი (1998), მას უაღრესად მგრძნობიარე ხელოვანის, კინოპოეტისა და შემოქმედებითად მეამბოხე ავტორის სახელი მოუპოვა. ლიეტუველი რეჟისორი სხვადასხვა დროს დაჯილდოებულია კანის, ბერლინის, ვენეციის და ვენის კინოფესტივალებზე.
„კინოს საფუძვლები“ სამდღიანი პროექტია, რომელიც ონლაინ-ფორმატში ჩატარდება, მოიცავს სიღრმისეულ საუბრებს და მიეძღვნება ფილმის შექმნის საბაზისო საკითხებს მათი განვითარებიდან პოსტწარმოებამდე. ბარტასი მონაწილეებთან ერთად დეტალურად განიხილავს თითოეულ ეტაპს და გაუზიარებს მათ პირად გამოცდილებებს, რომელიც 30 წლიანი კინოკარიერის განმავლობაში დააგროვა; მისცემს კრიტიკულ, პრაქტიკულ და ტექნიკურ რჩევებს.
ონლაინ-მასტერკლასი თემატურად დაიყოფა სამ შეხვედრად (თითო შეხვედრის ხანგრძლივობა 3 საათი) და კინოს წარმოების ყველა ეტაპს შეეხება. ამასთან, მონაწილეებს მიეცემათ შესაძლებლობა, გაესაუბრონ და დაუსვან მათთვის საინტერესო შეკითხვები გამოცდილ ავტორს, მიიღონ მისგან პრაქტიკული და თეორიული რჩევები.
პროექტში მონაწილეობის საფასურია 150 ევრო.
პროექტი დაიწყება ჯგუფის შედგენისთანავე, ჯგუფისა და ორგანიზატორებისთვის ხელსაყრელ პერიოდში (საორიენტაციო პერიოდია ოქტომბრის დასაწყისი).
გთხოვთ, დაინტერესებულმა პირებმა მოგვწეროთ მეილზე – cinexpress2019@gmail.com
