მიუხედავად კინოს მიმართ მზარდი ინტერესისა, კინოსივრცეები ყოველდღიურად ქრება. არ არსებობს სივრცე კინოკრიტიკისთვის, რომელიც არა სიყვითლეზე, არამედ შემეცნებით-საგანმანათლებლო ფუნქციაზეა ორიენტირებული და სრულიად არ ემორჩილება კომერციულ ინტერესებს.
ვებ-გვერდი www.cinexpress.ge არაკომერციული ონლაინ-პლატფორმაა, რომელიც მკითხველს ქართული და მსოფლიო კინოს ანალიზს სთავაზობს, კინოს უახლეს ტენდენციებთან ერთად კი, პერიოდულად გააცნობს მსჯელობებს კინოს კლასიკური და თანამედროვე თეორიების შესახებ.
საიტი მიზნად ისახავს ერთგვარი ვირტუალური არქივის შექმნას, რომელიც რეცენზიებს/რევიუებს, თარგმნილ თეორიულ მასალას, საინტერესო ინტერვიუებს და აკადემიურ ნაშრომებს მოუყრის თავს.
ვებ-გვერდის მთავარი მიზანი ონლაინ სივრცის შექმნაა, რომელიც კინოკრიტიკისა და კინოთეორიის როლის ზრდასთან ერთად ახალგაზრდებს ხელს იმაშიც შეუწყობს, რომ რეგულარულად გაცვალონ საკუთარი აზრები აუდიტორიასთან.
პლატფორმა ინტერესების დაკმაყოფილების საშუალებას მისცემს ყველას, როგორც კინოს ხელოვნებით დაინტერესებულ, ისევე კინოს მეცნიერებით დაინტერესებულ მკითხველსაც.